Дэлхийд тэргүүн гэгдэх Хятадын олон улсын нөөц хөрөнгө нь өнгөрсөн оны дөрөвдүгээр улиралд 20 тэрбум ам.доллараар буурч 3,18 их наяд болжээ. Хятадын валютын нөөц буурсан нь долларын хөрөнгө гадагш урссан, мөн хөрөнгийнхөө нөөцийн үнэлгээг дахин хийсэнтэй холбоотой ажээ. Еврогийн доллартай харьцуулах ханш дөрөвдүгээр улиралд 3,2 хувиар унасан нь бас энд нөлөөлсөн байна.

Алт, валютын нөөц буурсныгаа Хятадын эрх баригчид юанийн ханшийг өөрчилж буйгаа зогсоох шалтаг болгон ашиглаж магадгүй. Юанийн ханшаа зохиомлоор барьж буйгаа зогсоохыг АНУ ба барууны орнууд шаардаж байгаа билээ.