Хятадын Broad Group компани 360 цаг буюу 15 хоногийн дотор 30 давхар барилга барьж ашиглалтад өгчээ. Энэ нь Хунань мужийн төвд сүндэрлүүлсэн зочид буудлын барилга  бөгөөд есөн баллын хүчтэй газар хөдлөлтөд ажрахгүй гэж барилгын компанийнхан баталжээ.

Тус компани эрчим хүчний хэмнэлттэй аюулгүй барилга барих чиглэлээр туршлагажсан, мөн барилгын төмөр хийц үйлдвэрлэх үйл ажиллагаа эрхэлдэг аж.

Үүний зэрэгцээ Хятадын барилгын салбарт бас нэг дээд амжилт бүртгэгджээ. Гэхдээ энэ нь муу талын жишээ юм. Тайчжоу хотод барьж ашиглалтад оруулсан 18 давхар орон сууцны цогцолбор барилга эхний оршин суугчдаа оруулаад ердөө 17 цагийн дараа доош сууж эхэлсэн байна.