Сонин хачин эд зүйлс, ховор мотоцикль цуглуулах дуртай Холливудын од Брэд Питт зөвлөлт засгийн үед үйлдвэрлэсэн танк болон Урал мотоцикль худалдан авчээ. Брэд Питт 1947 оноос ЗХУ-ын армийн байлдааны техник болж байсан 36 тонн жинтэй Т-54 танкийг худалдан авсан бөгөөд үнийг нь нууцалж байгаа аж. Түүнчлэн шинэ оны өмнө худалдаж авсан Урал мотоциклээр тэрбээр Пакс хүүгийнхээ хамт Лос-Анжелосын гудамжаар зугаалсан гэнэ.

Брэд Питтийн гараажид олон тооны мотоцикль байдаг бөгөөд эхнэр Анжелина Жоли нөхөртөө Италийн MV Agusta мотоцикль бэлэглэж байсан юм. Брэд Питт мотоцикль худалдан авахдаа гар татдаггүй нэгэн аж.