Соёл, урлагийн их сургууль өөрийн гэсэн хөгжмийн студитэй болохоор зэхжээ. Студийн нээлт энэ сарын 27-нд болно. Сургуулийнхаа түүхэнд анх удаа студиэр тоноглогдож буй энэ ажлынхаа санхүүгийн асуудлыг СУИС-ийнхан бие даан зохицуулжээ. Тэд тоног төхөөрөмжөө БНХАУ-аас нийлүүлсэн юм байна. Удахгүй “мэндлэх” СУИС-ийн дэргэдэх хөгжмийн бичлэгийн студи урлагийн салбарт хөл тавьж буй оюутан, залууст том бэлэг болж буй биз ээ.