Ардчилсан шинэ Үндсэн хуулийн 20 жилийн ойд зориулсан Хүндэтгэлийн хуралдаан Төрийн ордны Их танхимд болж өндөрлөлөө. УИХ-ын дарга Д.Дэмбэрэлийн дараа Монгол Улсын анхны Ерөнхийлөгч П.Очирбат, АИХ-ын депутат асан Д.Мөнхөө, Р.Хатанбаатар нар үг хэллээ. Үг хэлэгсэд Үндсэн хуулиар хамаагүй оролдож гар хүрэхээ азнан болгоомжтой хандахыг сануулж байлаа.

Ардчилсан Үндсэн хуулийг баталснаас хойших 20 жилийн хугацаанд тухайн үеийн 400 гаруй депутатаас дөрвөн хүн тутмын нэг насан өөд болж, 90-ээс дээш хувь нь 60-өөс дээш насныхан болсныг депутат Д.Мөнхөө мөн дурдаж байлаа. Үндсэн хууль тогтоогчдын батламжийг депутатуудын төлөөлөлд гардуулснаар хүндэтгэлийн хуралдаан өндөрлөж депутатууд одоо Чингис хааны хөшөөний өмнө дурсгалын үураг татуулж байна.