Монгол Улсын Ерөнхийлөгч Ц.Элбэгдорж Үндсэн хуулиа сахиж хүндэтгэх, хууль дээдлэх ёсыг төлөвшүүлэх, Үндсэн хуулийн мөн чанар, үзэл баримтлал, хэм хэмжээг хүүхэд залуучуудад гүнзгий танин мэдүүлэх зорилгоор нэгэн зарлиг гаргаж, Засгийн газарт чиг өглөө.

Зарлигт “Их, дээд сургууль, коллеж, мэргэжлийн боловсролын сургуулийн оюутнууд болон ерөнхий боловсролын сургуулийн ахлах ангийн сурагчдад жил бүрийн нэгдүгээр сарын 13-ны өдөр /хэрэв энэ өдөр бүх нийтийн амралтын өдөр тохиовол түүний өмнөх ажлын өдөр/ Үндсэн хуулийн тухай нэг цагийн хичээл заах зохион байгуулалтын арга хэмжээ авахыг Монгол Улсын Засгийн газарт чиглэл болгосугай” гэжээ.