Хамтарсан Засгийн газраас гарснаа АН-ынхан өчигдөр албан ёсоор зарласан. Тэгвэл АН-ын харьяалалтай сайд нар албан тушаалаа хэзээ өгөх вэ гэсэн асуулт гарч байна.

Засгийн газрын тухай хуульд заасны дагуу шинэ сайд нарыг томилсноор өмнөх сайд нарын бүрэн эрх дуусах юм байна. Тиймээс МАН-ын зүгээс сайд нараа томилон ажилд нь оруулснаар АН-ын сайд, дэд сайд нарын бүрэн эрх дуусгавар болох ажээ. Шинэ сайд томилогдож, хуучин сайд тамгаа алд цэнхэр хадган дээр тавин гардуулах хүртэл АН-ын сайд нар албаа хашсаар байх юм байна.