Балетчин Д.Алтанхуягийн гоцлох А.Аданы “Жизель” балет энэ сарын 14-нд 15.00, 19.00 цагт Улсын дуурь, бүжгийн эрдмийн театрын тайзнаа тоглох юм. Өчигдөр энэ талаараа Балетчин залуу мэдээлэл хийсэн. Өнгөрсөн удаад түүний зохион байгуулсан “Night of Ballet” олон улсын балетын фестивалийн үеэр сэтгүүлчид болон гэрэл зурагчдыг оруулахгүй, тоотой хэдхэн хэвлэлийг оруулж байсан юм.

Харин энэ удаагийн тоглолтод Д.Алтанхуяг болон “Төгөлдөр” сангаас нэг ч гэрэл зурагчин, хэвлэлийнхнийг оруулахгүй байхаа албан ёсоор мэдэгдлээ. Харин тоглолтын өмнөх өдөр буюу энэ сарын 13-ны баасан гаригт 17.00 цагт “Жизель” балетын бэлтгэлийн үеэр хэвлэлийнхэн болон гэрэл зурагчдыг ирж зураг болон таван минутын бичлэг хийх эрхийг олгож байгаа юм. Дэлхийн аль ч оронд театрт зураг авахыг хориглодог. Иймд дэлхийн жишгийн дагуу гэрэл зураг авахыг хориглож байгаа юм.