Хэнтий аймаг өнгөрсөн онд хэрэгжүүлсэн улсын төсвийн хөрөнгө оруулалтын сүүлчийн ажил болох тус аймгийн Хэрлэн сумын тавдугаар багийн нутаг дэвсгэрт баригдсан 75 хүүхдийн шинэ цэцэрлэг нэгдүгээр сарын 9-нд буюу өнгөрсөн лхагва гаригт үүдээ нээлээ. Энэ цэцэрлэг Хэрлэн сумын тавдугаар цэцэрлэгийн харьяа учир уг цэцэрлэгт нийт 175 хүүхэд хамрагдаж, 10 ажлын байр шинээр бий болжээ. Уг цэцэрлэгийн барилгыг улсын төсвийн 350 сая төгрөгийн хөрөнгөөр барьж ашиглалтанд оруулсан байна.