АНУ болон Европын зарим орнууд Мауммар Каддафи ба түүний тойрон хүрээлэгчдийн битүүмжилсэн хөрөнгөөс 20 тэрбум орчим ам.долларыг гарган Ливийн шинэ эрх баригчдад шилжүүлсэн байна. Энэ тухай Ливийн Гадаад хэргийн сайд Ашур бин Хайялын хэлснээс ишлэн “Agence France-Presse” мэдээлжээ.

Сайдын хэлснээр мөнгө нь Засгийн газрын мэдэлд шилжиж бөгөөд харин Төв банкинд нь хадгалагдахаар орсон уу эсэх нь тодорхойгүй. Каддафийн гадаад дахь мөнгө хөрөнгийг өнгөрсөн оны хоёрдугаар сараас эхлэн битүүмжилсэн бөгөөд зарим тооцоогоор нийт 150 тэрбум долларын хөрөнгө битүүмжилсэн гэж байгаа юм.