Өнгөрөгч ням гаригт багийн менежер Нейл Уорнокийг ажлаас нь чөлөөлсөн “Квинс Парк Рейнжерс” Марк Хьюзтэй хамтран ажиллахаар 2,5 жилийн хугацаатай гэрээ байгуулжээ. Өдгөө 48 настай Хьюз өчигдөр шинэ багийнхантайгаа хамт анхны бэлтгэлээ хийсэн байна. Харин энэ нь түүнд эрч хүч бэлэглэсэн хэмээн ярьжээ. Тэрбээр мөн “Премьер лигт байр сууриа бататгах нь бидний эхний зорилт. Ирээдүй гэрэлтэж байна” гэжээ.

“Квинс Парк Рейнжерс” өдгөө Английн Премьер лигийн хүснэгтийн 17 дугаар байрт бичигдээд буй. Тэд лигийн хүрээнд хамгийн сүүлд өнгөрсөн оны арваннэгдүгээр сарын 1-нд “Стоук Сити”-г 3:2 харьцаатай хожсоноос хойш дараалан найман тоглолтод ялалт байгуулаагүй юм.

Клубын захирал Тони Фернандез “Марк бол зорилгодоо хүрэх асар их хүсэлтэй, карьер нь амжилтаар дүүрэн менежер юм. Бид түүнийг багтаа авахад таатай байна” гэжээ.