Урлагийг дэмжигч “Төгөлдөр” сангийн тэргүүн хатагтай Х.Отгонтуяа балетаар хичээллэдэг бөгөөд балетын урлагт дуртай, мэдрэмжтэй үзэгчдийн нэг аж. Харин түүнийг дэлхийн шилдэг найман балетчны нэг, Гавьяат жүжигчин Д.Алтанхуяг төрөлхийн авьяастай бүжигчин хэмээн тодорхойлж хэлэв.

Тэрбээр өнөөдөр “Төгөлдөр сан”-тай хамтран А.Аданы “Жизель” балетыг тоглох гэж байгаа талаараа мэдээлэл хийсэн. Хурлын үеэр Д.Алтанхуяг “Би Х.Отгонтуяа эгчийг төрөлхийн авьяастай бүжигчин гэдгийг анзаарсан. Гарын тавилтаас эхлээд л. Бүжигчин хүнд авьяас мэдээж чухал. Х.Отгонтуяа эгчид төрөлхийн бүжиглэх авьяас байдаг” хэмээн хэлэв. Нэмж тэрбээр “Х.Отгонтуяа эгч бас маш мэдрэмжтэй үзэгч” хэмээн тодорхойлов.