Улаанбаатар хотод дэлхийн хотуудын жишигт нийцсэн зам барилга, бүтээн байгуулалтын ажил өрнөж байгаа. Цаашид олон улсын хөрөнгө оруулагчид, энэ чиглэлээр үйл ажиллагаа эрхэлдэг компаниудтай хамтран ажиллах шаардлагатай байгаа юм. Манай улс БНХАУ-тай олон салбарт хамтын ажиллагаатай. Сүүлийн үед зам барилгын салбарт илүү түлхэцтэй хөгжиж буй. Энэ чиглэлээр илүү ихийг хийх, хамтын ажиллагаагаа өргөжүүлэх зорилгоор Хятадын Төмөр замын олон улсын эдийн засгийн хамтын ажиллагааны компанийн төлөөлөгчид манай хотод айчилж байна. Тэднийг өнөөдөр Нийслэлийн засаг дарга Г.Мөнхбаяр хүлээн авч уулзлаа. Тэд манай улсад томоохон хөрөнгө оруулалт бүтээн байгуулалтын ажил хийх сонирхолтой байгаагаа уулзалтын үеэр хотын даргад дуугасан. Харин хотын даргын зүгээс нийслэлийнхээ хөгжил цаашлаад  зам барилгыг олон улсын стандартад нийцүүлэн сайжруулах ажилд хамтран ажиллахад бэлэн гэдгээ хэлж бүх талаар дэмжинэ гэдгээ илэрхийлэв.

Хятадын төмөр замын олон улсын эдийн засгийн хамтын ажиллагааны компанийн захирал Лү Бо “Улаанбаатар хот Бээжин хоттой албан ёсоор ах дүүгийн харилцаатай хотууд. Тиймээс харилцан туршлага солилцож хамтран ажиллаж байгаа гэдгийг хотын дарга онцлоод ирэх жил Бээжин хотын даргыг Улаанбаатар хотод айлчлах үер хамтын ажиллагаа улам өргөжих байх”  гэдгийг хэлсэн юм. Хятадын Төмөр замын олон улсын эдийн засгийн хамтын ажиллагааны компани нь үйл ажиллагаагаараа улсдаа төдийгүй дэлхийд дээгүүрт ордог улсын томоохон компани юм байна. Тус компани нь төмөр зам, барилга  угсралт, авто зам зэргийг олон жил чанартай хийж ирсэн Олон улсын компани гэсэн.

Тэд манай улсын зам барилгын салбарт дэвшилт гаргана гэдгээ уулзалтын үеэр онцолсон. Дашрамд дуулгахад энэ сарын 13-нд өвлийн хотуудын уулзалт Улаанбаатар хотноо зохион байгуулагдана. Энэ үер өвлийн хотуудын барилга, инженерийн байгуулалтын талаар харилцан туршлага солилцох юм байна.