Технологийн Vizio компани HDTV үйлдвэрлэдэг байсан бол компьютерийн зах зээлд хөл тавьж, шинэ бүтээгдэхүүнүүдээ танилцууллаа.

Тэд энэ хавар гэхэд Windows 7 үйлдлийн системтэй таван төрлийн компьютер худалдаанд гаргах ба эдгээр нь 24-27 инчийн дэлгэцтэй байх аж.

Мөн 14-15,6 инчийн дэлгэцтэй нимгэн лэбтопуудыг гаргах гэнэ.

Тус компанийн технологи хариуцсан захирал Matt McRae “Компьютерийн зах зээлд хангалттай олон тооны бараа бүтээгдэхүүнүүд байгаа ч хүмүүсийн хэрэгцээг бүрэн хангахуйц бүтээгдэхүүн дутмаг байгаа. Бид энэ орон зайг нөхөж, өндөр чанар бүхий компьютеруудыг худалдаанд гаргах болно” гэжээ.