Сүхбаатар аймгийн Мөнххаан сумын удирдлагууд энэ өдрүүдэд оны эцсийн ажлаа дүгнэж, аж ахуй нэгж, байгууллагуудын тайлант ажлыг хэлэлцэж буй тухай тус сумын Засаг дарга Ч.Ганболд ярилаа. Тус сум энэ жил малаа таван төрөл дээр өсгөсөн сумдын тоонд багтжээ. Мөнххаан сум таван багтай бөгөөд нийт 215 мянган малыг 8161 малчин өрх адуулдаг байна. 4235 хүн амтай тус суманд 1250 гаруй өрх амьдарч буй.

Өвлийн сар гарсаар тус сумын газар нутагт 7-8 удаа цас орсон бөгөөд сумын зүүн хойд талын хэсэг харьцангуй их цастай байна. Нэмж цас орвол өвөлжилт хүндрэх магадлалтай байгаа ажээ. Сумынхан энэ жил хадлан тэжээл гээд өвлийн бэлтгэлээ хангалттай базааж авсан гэж үзэж байгаа юм. Одоогийн байдлаар 100 тонн өвс фондонд хадгалж байна.

Өнөөдрөөс эхлэн багуудынхаа хурлыг хийж эхэлсэн бөгөөд Цэргийн шинэчилсэн бүртгэлээ хийж дуусгасан хэмээн Мөнххаан сумаас мэдээллээ.