Ардчилсан намын Үндэсний зөвлөлдөх хорооны хуралдаан өнөөдөр 10.00 цагаас Төрийн ордны Их танхимд эхэлнэ. Тус хуралдаанд Үндэсний зөвлөлдөх хорооны 228 гишүүн оролцох учиртай. Эх сурвалжаас авсан мэдээллээр бол Ардчилсан намын дарга, Тэргүүн шадар сайд Н.Алтанхуяг илтгэл тавих аж. Илтгэлийн агуулга нь Ардчилсан нам нь өнгөрсөн хугацаанд хамтарсан Засгийн газрын бүрэлдэхүүнд ажиллах хугацаандаа ямар ажлууд хийж гүйцэтгэсэн тухай байх гэнэ. Тэр дундаа хамтарсан Засгийн газрын бүрэлдэхүүнээс ямар шалтгааны улмаас гарах болсон тухайгаа намын нөхөддөө энэхүү илтгэлээрээ дамжуулан хэлэх бололтой.

Уг нь тус нам  Үндэсний зөвлөлдөх хорооны хуралдаанаа нэгдүгээр сарын сүүлээр хуралдуулах чигтэй байсан ч өнгөрсөн даваа гаригт хуралдсан бүлгийн хуралдаанаас өнөөдөр болгож тогтсон юм.