Вьетнамын урд эргийн Вун Тау хотд нэгэн сонирхолтой музей нээгдлээ. Энд янз бүрийн орны эртний цэргийн хувцас, хэрэгсэл зэрэг 1000 шахам сонирхолтой үзмэрийг тавьжээ. Тэр дунд монгол цэргийн зэвсэг ч бий гэнэ.

Энэ музейг Роберт Тэйлор хэмээх англи эр өөрийн хувийн цуглуулгаараа байгуулсан байна. Тэрбээр 19 настайгаасаа энэхүү ховор зүйлсийг цуглуулж эхэлжээ. Одоогоор Хятад, Монгол, Турк, Франц, Английн цэргийн холбогдолтой үзмэр бүхий энэ музей түүний болоод эхнэр нь болох вьетнам бүсгүй Ти Боны өмч бөгөөд яваандаа Вьетнам улсад бэлэглэх юм байна. Музей үнэ төлбөргүй ажиллаж байгаа ажээ.