Энэтхэгийн нийслэлд болж байгаа “АвтоЭкспо 2012” Олон улсын авто машины үзэсгэлэнд дэлхийн 23 улсаас 1200 компани оролцож байна.

Уг үзэсгэлэнд хамгийн их сенсаац дэгдээгээд байгаа машин бол Энэтхэгийн машин зохион бүтээгч Rajiv Bajaj-ын үүсгэн байгуулсан “Bajaj Auto” машин үйлдвэрийн компанийн бүтээсэн дэлхийн хамгийн өртөг багатай, хямдхан машин Bajaj RE60 юм.
Энэхүү машин нь бензин болон шингэрүүлсэн хийгээр ажилладаг хоёр янзын хөдөлгүүртэй, 100 км-т ердөө 2,8 литр түлш зарцуулах ба 70 км/цаг хүртэл хурдлах боломжтой аж. Энэ ондоо багтааж худалдаанд гаргах энэхүү машины үнэ 110-125 мянган рупий буюу 2200-2400 ам.доллар байх аж.