Нийслэлийн Удирдах ажилтнуудын зөвлөгөөн өнөөдөр болж Нийслэлийн Засаг дарга бөгөөд Улаанбаатар хотын захирагч Г.Мөнхбаяр цаг үеийн тулгамдсан асуудлаар холбогдох хүмүүст үүрэг даалгавар өгсөн байна. Юуны түрүүн махны үнийн хөөрөгдлийг хязгаарлах зорилгоор энэ сарын 15-ны өдрөөс нөөцийн махыг нийслэлийн хэмжээнд нэг хороонд хоёроос доошгүй дэлгүүрт худалдаалахаар хуваарь гаргахыг Захирагчийн ажлын алба, дүүргүүдийн ЗДТГ хамтарч зохион байгуулахыг үүрэг болгосон байна.

Мөн нийслэлийн Захирагчийн ажлын алба, Замын цагдаагийн газар, нийслэлийн Нийтийн тээврийн газар, Авто замын газар, Замын хөдөлгөөний удирдлагын төв хамтран Баруун дөрвөн замаас Зүүн дөрвөн замын хооронд Энхтайвны өргөн чөлөөгөөр тодорхой цагуудад нийтийн тээврийн хэрэгслэлүүдийг авто замын нэгдүгээр эгнээгээр саадгүй зорчдог болгох ыг даалгалаа. Үүнээс гадна нийслэлийн Нийтийн тээврийн газар нийтийн тээврийн үйлчилгээ эрхэлдэг байгууллагуудын удирдах ажилтны зөвлөлгөөн зохион байгуулахыг үүрэгдлээ.