ATP холбооны 2012 оны анхны тэмцээн Катарын Доха хотноо өндөрлөлөө. Испанийн Рафаэль Надаль, Рожер Федерер тэргүүтэй шилдгүүд оролцсон тус тэмцээнд Францын Жо Уилфред Цонга түрүүлэв. Тэрбээр шигшээ тоглолтод Испанийн Рафаэль Надалийг буулган авсан нутаг нэгт Гейл Монфильстой тоглож, 7-5; 6-3-аар буулган авлаа. Дэлхийн чансааны зургадугаарт эрэмбэлэгдэж буй Францын Жо Уилфред Цонга энэхүү тэмцээнд түрүүлснээр чансааны 250 оноо, 177 мянган ам.долларын шагнал хүртлээ.

Энэ үеэр Шинэ Зеландад болсон WTA холбооны Оаклэндийн тэмцээн болж, Хятадын теннисчин Жень Цзе түрүүлжээ. Тэрбээр тус тэмцээний дөрөвний нэг шигшээд Оросын нэрт теннисчин Светлана Кузнецоваг 2-6; 6-3; 6-3-аар буулган авсан бөгөөд финалын тоглолтод Италийн Флавия Пеннетатай тоглосон ч Пеннета гэмтлийн улмаас аваргын төлөөх тоглолтыг талаас нь орхижээ.

Хятадын Жен Цзегийн хувьд дэлхийн чансааны 48-т эрэмбэлэгдэж буй бөгөөд энэхүү тэмцээнд түрүүлснээр чансааны 280 оноо, 37 мянган ам.долларын шагнал хүртлээ.

Дамшрамд дуулгахад, 2012 оны анхны “Их дуулга” болох Австралийн нээлттэй тэмцээн нэгдүгээр сарын 16-нд эхэлнэ.