Талбайн теннисний холимог багийн 24 дэх удаагийн ДАШТ Австралийн “Burswood Dome” цэнгэлдэхэд өндөрлөлөө. Энэ жилийн тэмцээний тухайд шилдэг найман баг эрэгтэй, эмэгтэй ганцаарчилсан болон холимог хосын төрөлд тойргийн дүрмээр тоглож, улмаар хэсэгтээ тэргүүлсэн хоёр баг аваргын төлөө өнгөрсөн бямба гаригт тоглолоо.

А хэсэгт Чех, Болгар, Дани, АНУ-ын баг багтан Чехийн баг хэсгээ тэргүүлсэн бол В хэсэгт Франц, Испани, Австрали, Хятадын баг байснаас Францын баг хэсгээ тэргүүллээ.

Хэсгээ тэргүүлсэн хоёр баг аваргын төлөө тоглоход Чехийн Томаш Бердых, Петра Квитова нар Францын багийг 2:0-ээр буулган авч, аваргын цом хүртлээ. Тэдний хувьд финалын тоглолтод аль аль нь өрсөлдөгчөө буулган авснаар тоглолтын харьцаа 2:0 болж, хосын тоглолт гарсангүй тэмцээний ялагч тодорсон юм.