Улсын ерөнхий прокурорын газраас  өнөөдөр мэдээлэл хийлээ.  Тус байгууллагаас хэвлэл мэдээллийнхэнтэй сард гурван удаа уулзаж, эрүүгийн зарим хэргийн шийдвэрлэлтийн талаар мэдээлж байхаар болсон юм. Өнөөдрийн мэдээлэлд УЕП-ын туслах, Сургалт судалгаа хамтын ажиллагааны төвийн захирал Г.Ганзориг, Нийслэлийн прокурорын орлогч прокурор Е.Сагсай, Сургалт судалгаа, хамтын ажиллагааны төвийн хяналтын прокурор Т.Сүхбаатар, УЕП-ын хяналтын прокурор Д.Мөнгөнцэцэг нар оролцов.

Тус байгууллагаас бөөгийн нэрээр үйлдэгдэгдсэн мөрдөн байцаалтын ажиллагаа явуулж буй хоёр хэргийн талаар мэдээлэл өглөө. Цаашид энэ төрлийн гэмт хэргээс урьдчилан сэргийлэх асуудлаар хэвлэл мэдээллийн байгууллагатай хамтарч ажиллахаа илэрхийлсэн юм. Мөн 2012 онд хар тамхи, мансууруулах бодистой холбоотой гэмт хэргийг багасгах  тал дээр сэтгүүлчидтэй уялдаа холбоотой ажиллаж мэдээлэл өгч байхаар төлөвлөжээ. Энэ үеэр нийслэлийн Прокурорын газрын орлогч прокурор Е.Сагсай тус газарт өнгөрсөн 2011 онд шийдвэрлэсэн хэргийн талаарх тоон мэдээллийг танилцууллаа.