84 дэх удаагийн “Оскар”-ын шагнал гардуулах ёслолыг Билли Кристалаар хөтлүүлэхээр Кино Академи шийджээ. Харин түүнийг хаанаас олох вэ? Академиас томилсон хоёр ажилтан түүнийг хайн газар сайгүй явна. Эцэст нь түүнийг агуйгаас олно. Алс холын Монголын хөдөө нутагт аглаг уулын агуйд байх Биллид “Оскар”-ын алтан баримлыг гардуулан хөтлөгчийн үүрэг хүлээхийг хүснэ. Энэ бол 84 дэх удаагийн “Оскар”-ын ёслолын албан ёсны сурталчилгааны трэйлер юм.

Хөгжилтэй, сонирхолтой байлгах үүднээс Монголыг сонгож авсан гэдгээ зохион байгуулагчид нь мэдээлж байна. Түүнээс гадна хамгийн сүүлд 2006 онд л “Оскар”-ыг хөтөлсөн Биллиг эргэн ирж байгаад баяр, хөөртэй байгаа сэтгэлийг энэхүү хөгжилтэй сурталчилгаагаар илэрхийлж байгаа гэнэ. Гэхдээ яагаад заавал Монгол гэж?

Трэйлерийг эндээс үзнэ үү.