АН хамтарсан Засгийн газраас гарахаа мэдэгдсэнээс хойш зургаан сайд, долоон дэд сайдын сэнтий суларч МАН-ын дараагийн ээлж карьер хөөн УИХ-д нэр дэвших бэлэн сурталчилгаатай болох гэж байна.  Зарим агентлагийн даргын суудал ч шинэ эзэнтэй болох юм.

Суларсан суудалд хэнийг дэвшүүлэх вэ гэсэн ажиг сураг ч сонсогдоод эхэллээ. Түрүүчээсээ тэргүүн шадар сайдад УИХ-ын гишүүн Ч.Улаан, Эрүүл мэндийн сайдад УИХ-ын Нийгмийн бодлого, боловсрол, соёл, шинжлэх ухааны байнгын хорооны дарга Д.Очирбат нарын нэрийг дэвшүүлэх тухай дуулдаж байна.