Дуучин Жастин Тимберлейк Зул сарын баярын өмнө цасны романтик аяллын үеэр удаан үерхсэн найз бүсгүй Жессика Биелтэй сүй тавьсан гэнэ. Дуучны найзууд түүнийг хайртай бүсгүйтэйгээ сүй тавьснаас хойш хамгийн жаргалтай хүн болсон гэж ярьжээ. Өнгөрсөн жил хэсэг хугацаанд тусдаа байсан нь тэдэнд бие биедээ хичнээн хайртайг ойлгуулж, тэднийг улам ойртуулсан гэж дотны нэгэн найз нь ярьсан байна. Хос хоёр гэр бүл, найз нөхөдтэйгээ Тимберлейкийн төрсөн газар Монтанагийн “Big Sky”-д сүй тавьснаа тэмдэглэсэн гэнэ. Тэд анх 2007 онд Юта мужид болсон “Sundance” кино наадмын үеэр анх танилцсан юм байна.