Япон, Тайландад болсон байгалийн гамшгаас үүдэн “Toyota” болон “Honda” автомашины худалдаа АНУ-д 2011 онд эрс буурсан үзүүлэлт гарчээ. Дээрх автомашин үйлдвэрлэгчдийн худалдаа 2010 оныхтой харьцуулахад өнгөрсөн онд 7 хувиар буурсан байна. Харин “Toyota” болон “Honda”-ийн хүчтэй өрсөлдөгч “Nissan”-ы худалдаа эрс өсчээ. Мөн Өмнөд Солонгосын “Hyundai” компанийн худалдаанд ч мөн харьцангуй сайн үзүүлэлт гарсан гэнэ. Өнгөрсөн онд АНУ-д автомашины худалдаа өмнөх жилийнхээс 10 хувиар өсч, 12.8 саяд хүрчээ. Өнгөрсөн сард Японы “Toyota” үйлдвэрлэлээ 20 хувиар өсгөхөөр төлөвлөж буйгаа мэдэгдсэн ч хөл дээрээ босоход багагүй хугацаа шаардлагатай юм. “Toyota” дэлхийн автомашин үйлдвэрлэгч хамгийн том улс хэмээх алдраа АНУ-ын “General Motors”-т алдаад байгаа билээ.