2011 он Монголын мэдээлэл холбооны ЮНИТЕЛ группын хувьд өөрийн хэрэглэгч, харилцагчдынхаа хамт олон бүтээлч ажлыг санаачлан хэрэгжүүлж, үүсгэн байгуулагдсаныхаа 5 жилийн ойн баярыг тэмдэглэсэн, амжилт бүтээлээр дүүрэн он болж өнгөрлөө.

ЮНИТЕЛ групп үүсгэн байгуулагдсан цагаасаа өнөөдрийг хүртэл Монгол орныг бүрхсэн өргөн сүлжээг бий болгож, Монгол хүн бүр гар утас хэрэглэх боломжийг бүрдүүлэхийн төлөө эрмэлзэн ажиллаж байна.

Нөгөөтэйгүүр үүрэн холбооны операторуудынхувьд хэрэглэгчдийнхээ өмнө хүлээсэн үүрэг хариуцлагыг илэрхийлж, мөн тэдний чансааг сорьдог хамгийн чухал үзүүлэлт бол сүлжээний чанар, найдвартай ажиллагаа байдаг. Тэгвэл ЮНИТЕЛ групп энэ 5 жилийн хугацаанд аль ч үед тэрдундаа та бидний баярт мөчөө хуваалцах хамгийн оргил үе болсон шинэ оныг угтах баярын өдөр хэрэглэгчдийнхээ хүндэтгэл, талархлын нандин холбоог аливаа саатал, доголдол гаргалгүйгээр найдвартай дамжуулж ирсэн билээ. 

Бидний хэрэглэгчдийнхээ өмнө хүлээсэн үүргээ нэр төртэйгөөр биелүүлж ирсэн энэхүү амжилтыг үнэлэн Монголын Үндэсний Худалдаа Аж Үйлдвэрийн Танхим, түүний тэргүүлэгчдийн зүгээс Монголын бизнесийн салбарын шилдгүүдийг тодруулах “Entrepreneur-2011” 15 дахь удаагийнёслолын арга хэмжээгээр Монголын ТОП 10 аж ахуйн нэгжийн нэг буюу мэдээлэл, холбооны салбарын шилдэг аж ахуйн нэгжээр шалгаруулан “Мөнгөн Меркури“ цомоор шагналаа.

Энэ бол 5 жилийн турш бидэнд итгэж, хамтдаа байгаа хэрэглэгч, харилцагчдын маань хамтын амжилт юм. Бид цаашид улам ихийг бүтээн хамтдаа хөгжиж, дэлхийн мэдээлэл технологийн хурдтай хөл нийлүүлэн алхана гэдэгт итгэлтэй байна.