Архангай аймгийн Шивэрт дэх хүүхдийн “Тамир” зуслан Олон улсын хүүхдийн зуслан болгох нь ээ. Эл ажлын хүрээнд тус аймгийн Газрын харилцаа, барилга хот байгуулалтын газраас “Тамир” зуслангийн таван га талбай дахь хэсэгчилсэн зургийг мэргэжлийн байгуулагаар хийлгэн ерөнхий төлөвлөгөөг гаргаж байгаа ажээ. Тус зусланг нэг ээлжиндээ 240 хүүхэд хүлээн авах өвөл, зуны амралтын байр, соёлын төв, биеийн тамирын задгай талбай, бүлгүүдийн амрах байрыг гурван зэрэглэлээр төлөвлөж өгчээ. Мөн амралтын бүсэд ажилчдын 12-24 айлын орон сууц, хоёроос дөрвөн айлын эдэлбэр газар бүхий амины сууцыг барихаар тус тус төлөвлөжээ.