“Иран хоёр дахь удаагаа сануулга өгөхгүй”

Хуучирсан мэдээ: 2012.01.05-нд нийтлэгдсэн

“Иран хоёр дахь удаагаа сануулга өгөхгүй”

Америкийн нисэх онгоц тээгч “Жон Стеннис” хөлгийн багийнханд Иран сануулга өгч байна. Америкийн онгоц тээгчийг Персийн буланд иргэн ирж зүрхлээрэй гэсэн утгатай сануулгыг Ираны армийн ерөнхий командлагч аятолла Салехи хэлээд Тегеран “ямар ч заналын эсрэг зогсож чадна.  Дахин сануулга өгөлгүйгээр зохих арга хэмжээг авна гэжээ. Сүүлийн хоногуудад Иран шинэ пуужингууд туршиж, Ормузын хоолойг хаана гэсэн байв.

Ираны Ормузын хоолойд хий­сэн усан цэргийн “Велаят-90” (“Ман­лайлал-90”) хээрийн сур­гууль  мягмар гаригт дууслаа. Усан цэргийн хөлөг онгоцнууд па­рад хийж, ерөнхий командлагч үг хэлэн уг хээрийн сургуулийг дуус­галаа. Тэр өөрийн үгэнд “Жон Стеннис” гэх америкийн онгоц тээгч хөлөг Ормузын хоолойн зүүн хэсгээр Персийн буланг гаталсанд дургүйцлээ гаргалаа. Ираны онгоц Америкийн хөлгийг тойрон нисэж зургийг нь  авсан гэв. “Иран хоёр дахь удаагаа сануулахгүй. Америкийн онгоц тээгч хөлөгт Персийн буланд орж ирэхгүй байхыг би зөвлөж байна” гэж тэр хэлжээ.

Ираны валют дээд зэргээр унажээ

Тэрээр бүсийн хөрш орнууддаа хандан “ах дүү Ираныг түшиглэхийг” зөвлөсөн байна. Явж өнгөрсөн Америкийн онгоц тээгчийг нэг сайн харааж аваад Тегеран цөмийн асуудлаар олон улсын хэлэлцээрт ороход бэлэн гэдгээ мэдэгдлээ.

Ираны риал түүхэн дээд хэмжээ­гээр унасан байна. Мягмар гаригт нэг
доллар нь 17,2 мянган риалтай тэн­цэж байв. Өнгөрсөн сард риа­лын ханш
10,5 мянган риал нь нэг ам.доллар байсан гэж  Reuters мэдээлэв. Долларын
ханш нэмэгдсэн шалтгаан нь энэ сарын 1-нд АНУ-ын ерөнхийлөгч Барак
Обама хориг арга хэмжээнд гарын үсэг зурсан явдал гэж болно. Ираны Төв
банкны эсрэг авсан хориг арга хэмжээ нь тус орны нефтийн экспортод том
цохилт болж байгаа юм. Ираны эрх баригчид хориг арга хэмжээ ба валютын
ханш хоёрыг ямар нэгэн холбоогүй гэсэн байв. Хориг арга хэмжээний үр
дагавар хэдэн сарын дараа л харагдана гэж Ираны Гадаад хэргийн яамны
хэвлэлийн нарийн бичгийн дарга Рамин Мехманпараст (Ramin Mehmanparast)
мэдэгджээ.

Ираны нефтиэс татгалзахыг Франц уриалав

      
Европын холбооны хамсаат­нууддаа хандан нэгдүгээр сарын сүүлч гэхэд Ираны Төв банкинд нь хориг тавьж, нефтиэс нь бүрэн татгалзахыг Франц уриалжээ. Энэ талаар өнгөрсөн мягмар гаригт Францын Гадаад хэргийн сайд Ален Жюппе хэлсэн байлаа. Өнгөрсөн оны сүүлчийн өдөр Ираны Төв банктай холбоотой гадаадын компаниудыг Америкийн санхүүгийн системд орох эрхийг нь хасах тухай хуулийн төсөлд АНУ-ын ерөнхийлөгч Барак Обама гарын үсэг зурсан байв.
Зарлигт гарын үсэг зурснаас зур­гаан сарын дараа хориг хүчин төгөл­дөр болно. Энэ зургаан сар нь дэлхийн зах зээл тэр хатуу хо­ригт бэлтгэх зай юм. Ираны Төв банкаар дамжигдан Ираны нефть ба байгалийн хийн төлбөрүүд хийгддэг. Энэ хуулиар АНУ Ираны нефтийг худалдан авахад бараг хориг тавилаа гэсэн үг юм.

Ш.Мягмар

NewsMN Гар утасны хувилбар Татах
NEWS.mn

Мэдээллийн эх сурвалж