Шинэчлэгдэн бүртгэлд хамрагд­сан Монгол Улсын иргэн бүр иргэ­ний цахим үнэмлэхээ энэ сарын сүүлээс эхлэн, зургаадугаар сарын 30-ны хооронд авахаар боллоо. Дөрвөн зэрэглэлийн 14 нууцлалтай, тухайн хүний талаарх мэдээллийг багтаасан чип бүхий энэхүү иргэний үнэмлэхийн загвар, хийцийг УИХ-ын Төрийн байгуулалт, Хууль зүйн байнгын хорооны гишүүд сонирхож, хэвлэх, иргэдэд олгох ажлын явцтай нь танилцсан юм. Иргэний цахим үнэмлэхийг эхний удаа үнэгүй олгох бөгөөд харьяа дүүрэгт цахим иргэний үнэмлэх тарааж эхэлсэн үед одоогийн иргэний үнэмлэхээ авч очоод шууд солиулах аж. Харин одоогийн иргэний үнэмлэхээ гээсэн бол архивын лавлагаа авч болох юм байна лээ. Өөрөөр хэлбэл, иргэний үнэмлэхээ гээсэн тохиолдолд Улсын бүртгэлийн ерөнхий газраас архивын лавлагаа аваад л цахим үнэмлэхээ гардаж болно гэсэн. Харин шинэ үнэмлэхээ гээсэн тохиолдолд 10 мянган төгрөгөөр авах юм байна. Иргэний цахим үнэмлэхийг нийт 484 нэгжээр дамжуулан хүргэх гэнэ.

Шинээр нэвтрүүлж буй иргэний цахим үнэмлэх ISO8710, ISO10373 гэсэн стандартад нийцсэн, лазерь тэмдэглэгээ, солонгон болон муш­гир­сан хээн хэвлэл, нэвт хараг­дах зураг бүхий цонх гээд л хамгийн сүүлийн үеийн дэвшилтэт технологид үндэслэсэн нууцлалтай юм байх. Цахим гэхээр хамгийн түрүүнд “хакер” гэдэг үг санагдах юм. Тэрхүү чип нь өмнөх иргэний үнэмлэх дээр байдаг овог нэр, регистрийн дугаар, гарын үсэг орчин суугаа хаягаас гадна хурууны хээ мэт нарийн зүйлсийг багтах юм билээ.  Харин УБЕГ бүх иргэдийг мэдээллийг төвлөрүүлэн том бааз болгон хамгаалснаар асуудлыг шийд­сэн гэнэ. Энэхүү үнэмлэхээ. Поликарбонат гэдэг материалаар хий­сэн тул 10 жил хүртэлх хугацаанд хэрэглэж болно гэнэ.. 

Энэхүү иргэний цахим үнэмлэх нэвтэрснээр бүртгэл мэдээллийн нэгдсэн тогтолцооны бүхий л салбар, төвшинг хамарч, төрийн үйлчилгээний үндсэн суурь болох төдийгүй иргэний бүртгэлтэй холбоотой үнэн бодит мэдээллийн бааз, сан үүсэх юм. Мөн мэдээллийн цогц системтэй болж, иргэний үнэмлэхтэй холбоотой гардаг хүндрэл, зөрчил багасч, нууцлал, хамгаалалт сайжирч, тухайн иргэний шилжилт хөдөлгөөн, сонгуулийн санал өгсөн эсэх, цэргийн алба хаасан болон татвар төлсөн байдал зэргийг тодорхойлох боломж бүр­дэнэ. Түүнчлэн нийгмийн халамж, нийгмийн хамгаалал, эрүүл мэндийн болон төрөл бүрийн даатгал, боловс­рол зэрэг төрийн үйлчилгээг цахим иргэний үнэмлэх ашиглан иргэдэд хүр­гэх, иргэний бүртгэл нь бүртгэл мэдээллийн нэгдсэн тогтолцооны суурь мэдээлэл учир төр, засгийн байгууллагууд мэдээллийг хамтарч ашиглах нөхцөл бүрдэнэ гэж УБЕГ-ын даргыг түр орлон гүйцэтгэгч С.Энхбаатар УИХ-ын Төрийн байгуулалт, хууль зүйн байнгын хорооны эрхэм гишүүдэд тайлбарласан юм. 

Уг нь иргэний цахим үнэмлэхийг өнгөрсөн оны арванхоёрдугаар сарын 26-наас цахим иргэний үнэмлэхийг тараана гэж байсан ч хэвлэх машинаа гаднаа оруулж, ирэхдээ хугацаа алдсан зэрэг шалтгааны улмаас нэг сараар хойшлогджээ.

Харин одоогийн үнэмлэхийг тараахад хүн хүчний хувьд дутагдаж буй талаар УБЕГ-ын ажилтнууд гишүүдэд ярьж байлаа. Тэд аж­лын цагаа сунган ажиллахаас гадна, хороо, сумдын Тамгын газартай хамтран ажиллах гэнэ. Өмнөх шинэчилсэн бүртгэлийн үеэр ажилласан туршлагаараа нийслэлийн 132 хороо, 21 аймгийн 334 сум, хилийн чанадын 30 улсад байгаа Элчин сайдын яам, дипломат төлөөлөгчдөөрөө дамжуулан иргэдэд хүргэх аж. Гэхдээ нэмж, түр ажилчин авах талаар ч ярилцаж байна. УБЕГ-т ажиллахын тулд заавал итгэмжлэгдсэн төрийн албан хаагч байх ёстой бөгөөд одооноос эхлэн зарим албан газруудтай гэрээ хийх хэрэгтэй байгаа гэдгээ ч хэлж байлаа.