Нэлээд дуулиан шуугианы эцэст тайзнаа “амилсан” “Хүн аалз” мюзикл өнгөрөгч долоо хоногт есөн тоглолтоос 2.9 сая ам.долларын орлого олон Бродвейн түүхэнд шинэ амжилтыг тогтоолоо. 75 сая ам.доллараар босож, хамгийн их зардлаар бүтсэн мюзиклээр тодрч байсан “Хүн аалз” ийнхүү бас нэгэн шинэ амжилтыг бичив.

Гол дүрийн жүжижгчин сургуулилтын явцад бэртсэн, товлосон нээлтээ олон дахин хойшлуулсан, жүжгийн багийг бүрэлдэхүүнээр нь сольсон зэрэг олон дуулианы дараа хэвлэлүүд энэ мюкиклийг тийм ч урт настай бүтээл болж чадахгүй хэмээн таамаглан бичиж байсан билээ. Гэсэн ч “Хүн аалз” долоо хоногтоо 1.2 саяас багагүй орлогыг тогтмол олж ирсэн бөгөөд өнгөрөгч долоо хоногт дээд амжилтаа тогтоосон нь энэ.

Үүнээс өмнө дэлхий даяар шуугиан тарьж байсан “Араатны хаан арслан” мюзикл есөн удаагийн тоглолтоороо 2.4 сая ам.доллар олж байжээ.