Сүхбаатар аймгийн “Жавхлант Шарга” морин спорт уяачдын холбоо  2011 оны шилдгүүдээ  тодруулжээ.

Оны шилдэг уяачдын холбоогоор том жижиг 16  уралдаан зохион байгуулж, “Егүзэр адуу”-г нийтэд таниулсан 4 сэтгүүл, хуанли гаргасан Эрдэнэцагаан сумын “Егүзэрийн хүлэг” холбоо тэргүүлсэн байна.

Уяж сойсан хурдан хүлэг нь аймгийн наадам, бүсийн уралдаанаас 2 түрүү, 2 айраг авсан Түмэнцогт сумын харьяат, аймгийн алдарт уяач Ө.Шинэтулга оны шилдэг уяачаар, З.Тэмүүжин, Д.Үүрийнцолмон, Г.Мөнх-Эрдэнэ, Б.Цэрэнбалтав, Г.Зинаамядаг,  М.Энххүрэл нар шилдэг унаач хүүхдээр шалгарсан байна. 

Улс, аймгийн наадам, бүсийн уралдаанд айргийн тавд хурдалсан  Түмэнцогт сумын уяач Ч.Хүсэлзулын ембүү зээрд азарга, мөн сумын харьяат, Монгол Улсын алдарт уяач С.Төмөр-Очирын бор морь, Халзан сумын харьяат, аймгийн алдарт уяач Ж.Мөнхсүрэнгийн хар соёолон, Дарьганга сумын алдарт уяач П.Баянхүүгийн хүрэн халзан хязаалан, Халзан сумын алдарт уяач Г.Бааванхүүгийн халиун шүдлэн. мөн  сумын уяач О.Амарсайханы “Эрдэнэ зээрд” даагыг оны шилдэг  хурдан хүлгээр тодруулсан байна.