Зайсан дахь  насанд хүрээгүйчүүдийн 411 дүгээр  хорих  ангиас зургаан хүүхэд хэрмэн хашаа нүхэлж, бүлэглэн оргосон хэрэг  өнгөрөгч оны долдугаар сарын 31-нд гарсан  талаар бид мэдээлж байсан. Тэднийг цагдаагийн байгууллагаас  эрэн сурвалжилж олсон юм. Санаатайгаар, үгсэн тохиролцож, бүлэглэн хорих ангиас оргосон А.Мөнгөнтулга, Г.Бат-Очир, Т.Анхбаяр, Х.Мөнхбаатар, Г.Алтангэрэл, Э.Түмэнхүү нарт УМБГ-аас  эрүүгийн хэрэг үүсгэсэн  шалгасан. Улмаар хэргийг нийслэлийн Прокурорын газарт шилжүүлсэн ч мөрдөн байцаалтын ажиллагаа дутуу хийсэн гэх үндэслэлээр буцаасан  байна. Хэрэв тэдний гэм буруу нь  шүүхээр тогтоогдвол 5-10 жилийн хорих ял  нэмэгдэх  аж.