Төрийн ордон минь шоу, энтертайнментын газар болон хувирах нь ээ. Дуучин Д.Болд тоглолт хийж, үргэлжлүүлэн төгөлдөр хуурч Б.Чинбат тоглолт хийсэн бол одоо бүр киноны нээлт болох гэнэ шүү. “DOZ entertainment”-ийн шинэ уран бүтээл болох “Хөх толбот хүмүүс” уран сайхны киноны нээлт энэ сарын 6-нд Төрийн ордонд болохоор болжээ.

“Хөх толбот хүмүүс” киноны зохиолыг “DOZ entertaiment”-ын захирал Ш.Доржсүрэн бичиж, найруулжээ. Харин зураглаачаар Б.Отгонзориг, хөгжмийн зохиолчоор “Алтан ураг” хамтлагийн Б.Эрдэнэбат, зөвлөхөөр ХБНГУ-ын найруулагч Вейт ажиллаж, Төрийн соёрхолт жүжигчин Ц.Төмөрбаатар, гавьяат жүжигчин Н.Даагийранз, жүжигчин Т.Эрдэнэбаяр, “Авьяаслаг Хятадууд” шоуны оролцогч С.Уудам нар гол дүрд тоглосон байна.