Хуучин оны сүүлийн өдөр Нью-Йоркийн “Метрополитан” театрт “Сэтгэл татам арал” нэртэй дуурийн нээлт болов. Уг дуурийн хааны дүрд дэлхийд алдартай тенор, Испанийн дуучин Плачидо Доминго дууллаа. 70 настай Домингог үзэгчид халуун алга ташилтаар шагнажээ.

Британийн Жереми Самсын найруулсан эл бүтээл “Метрополитан” театрын энэ оны голлох уран бүтээл юм. Плачидо Доминго энэ онд Лос-Анжелес, Мадрид, Берлин болон өөр олон том хотуудын тайзнаа дуулах төлөвлөгөөтэй байгаа гэнэ.