Олон улсын хөлбөмбөгийн холбоо “FIFA”-д Монголын хөлбөмбөгийн холбооны шүүгч Д.Түмэнбаяр, Б.Хаш-Эрдэнэ, Ч.Жавхлантөгс нар албан ёсны шүүгчээр ажиллахаар боллоо.

Монголын хөлбөмбөгийн холбоонд Дэлхийн хөлбөмбөгийн холбооны ерөнхийлөгч Зепп Блаттерын гарын үсэг бүхий үнэмлэх, энгэрийн тэмдэг, бусад дагалдах зүйлийн хамт ирснээр манай улсын хөлбөмбөгийн шүүгчид “FIFA”-д данстай боллоо.

Энэ нь манай улсын хөлбөмбөгийн спортын хөгжилд ихээхэн чухал хувь нэмэр болно хэмээн Монголын хөлбөмбөгийн холбооныхон сэтгэл хангалуун ярьж байна.