НАМЗХ-ны залуус уламжлал ёсоор арванхоёрдугаар сарын 29-нд буюу өчигдөр Нарантуул олон улсын худалдааны төв дээр өвлийн өвгөний хамтаар хүрэлцэн ирлээ.

Өвлийн тэсгим хүйтэнд хүнд хөдөлмөр эрхэлж, гадаа тэрэг түрж, бараа зарж байгаа бяцхан хүүхдүүд, амьдралын төлөө тэмцэж яваа залуус шинэ жилийн баяраар төдийлэн баярлаж амждаггүй. Харин НАМЗХ-ны залуус энэ байдлыг соргогоор мэдэж өвлийн өвгөний хамтаар хүүхэд багачууд, залуучууд, хөгшид настануудад Шинэ жилийн бэлэг гардуулдаг болоод хоёр жилийг үдэж байна.

Тус худалдааны төв дээр хөдөлмөр хийж буй хүүхэд, залуучууд өвлийн өвгөн болон зохион байгуулагч залууст чин сэтгэлийн талархал илэрхийлж байсан бөгөөд НАМЗХ-ны залуус тэдэнд  ирэх ондоо аз жаргалаар дүүрэн байхыг  ерөөж цаашид ч хүмүүнлэгийн чиглэлээр олон арван ажлуудыг зохион байгуулахаар төлөвлөж байгаагаа илэрхийлсэн юм.