Он солигдох мөч хором хормоор ойртсоор… Арванхоёрдугаар сарын 31-ний өдөр гэр бүлээрээ хамт хуучин оноо үдэж, шинэ оноо угтах шинэ жилийн баярын хамгийн чухал бэлгэдэл нь гацуур мод байдаг. Арванхоёрдугаар сар дөнгөж гарав уу, үгүй юу хотын гудамжинд баярын уур амьсгал орж, албан байгууллагууд сүлд модоо засч, нийслэл хот өнгө нэмнэ.

Шинэ жил… Шинэ жилийн сэтгэл гэгэлзүүлсэн гэрэлт өдрүүд үргэлжилсээр байна.  Улаанбаатар хотын төв хэсэгт, УИД-ийн өмнөхөн энэ жилийн анхны сүлд мод өнгөрсөн арваннэгдүгээр сарын 9-нд сүндэрлэж, “Central Tower”, Сүхбаатарын талбай үргэлжүүлэн сүлд модоо засч, баярын уур амьсгал нийслэлчүүд бэлэглэсэн билээ.