Цуврал алуурчин Ханнибал Лекторын тухай өгүүлдэг “Хурга майлахаа болино” киног Үндэсний киноны өв санд бүртгэж, Америкийн  Конгрессын номын санд хадгалахаар болжээ. Холливудын жүжигчин Энтони Хопкинс, Жоди Постер нар гол дүрд нь тоглосон уг триллер кино 1991 онд “Оскар”-ын шагнал хүртэж байсан юм. Америкийн үндэсний киноны өв санд мөн жүжигчин Том Хэнксийн тоглосон “Форест Гамп”, Диснейн классик “Бэмби” хүүхэлдэйн кино болон дуугүй киноны мастер Чарли Чаплины “Хүүхэд” киног бүртгэсэн байна. Дээрх киног олон нийтээс хамгийн их санал авсан 2,228 бүтээлээс шалгаруулжээ. Үндэсний киноны өв санд бүртгэх гол шалгуур нь “Түүхэн, соёлын дурсгал болсон, уран сайхны бүтээл байх ёстой ажээ. Уг бүртгэлд Сэлли Филдийн 1979 онд “Норма Рэй”, 1992 онд Роберт Родригезийн бүтээл “Эль Мариачи” зэрэг киног мөн бүртгэсэн. Үндэсний киноны өвд хамгийн анх бүртгэгдсэн нь 1912 оноос хойшхи дуугүй, хар цагаан кинонууд байжээ. Конгрессын номын санд 1987 оноос хойш ажиллаж буй Жеймс Биллингтон “Эдгээр кинонууд бол Америкийн соёлд онцгой үүрэг гүйцэтгэсэн шидээвэр бүтээлүүд” гэж ярьсан байна.