Маргааш Үндэсний эрх чөлөө, тусгаар тогтнолоо сэргээсний 100 жилийн ойг тэмдэглэх гэж байна. Түүний нэг арга хэмжээ нь Төрийн ордны чөлөөн дэх Төрийн ёслол, хүндэтгэлийн өргөө цагаан гэрийн тулганы гал бадраах ёслол юм. Үдийн 12.00 цагт эхлэх эл ёслолд зөвхөн эрчүүд оролцохоор заажээ.

Төрийн гал бадраах ёслолд эмэгтэйчүүд, эмэгтэй сэтгүүлч, зураглаачдыг оруулахгүй байхыг дээрээс үүрэгдсэн байна. Цэргийн догшин хар сүлд цэнгүүлэхэд эмэгтэй хүн оролцдоггүй, тэгвэл төрийн тулганд аргалын гал бараахад мөн бүсгүй хүн байлцахгүй гэсэн ёс журмыг төр, засгийн зүгээс гаргасан ажээ.