Монголын үндэсний олон нийтийн радио, телевизийн “Гэрэлтэй цонх” нэвтрүүлгийн алба “Жем интернэшнл” компанитай хамтран Олон улсын эмэгтэйчүүдийн баярыг тохиолдуулан шилдэг захидлын “Ижийдээ захидал бичээрэй” улсын уралдааныг зарласан байна. Нэгдүгээр байр нэг сая, хоёрдугаар байр 500 мянга, гуравдугаар байрт 300 мянган төгрөгийн урамшуулалтай аж. Мөн эхний 10 байрт шалгарсан захидлыг мэргэжлийн жүжигчид унших бөгөөд 50 захидлыг нь “Интер пресс” хэвлэлийн компани ном болгон хэвлэх юм. Шагнал гардуулах ёслол хүндэтгэлийн  тоглолт энэ сарын 6-нд АСА циркт болох ажээ. Тоглолтод гавьяат жүжигчин Б.Сарантуяа, С.Жавхлан, УДБЭТ-ын гоцлол дуучин Ө.Уянга, “Хурд” хамтлаг болон хошин урлагийн “Шинэ үе” продакшн оролцох юм байна.

 Ц.Хишиг