Хятад улсад хар тамхины хэргээр өнгөрсөн аравдугаар сарын 27-нд саатуулагдсан эрэгтэй, эмэгтэй хоёр иргэнийг шалгах, мөрдөн байцаалтын ажиллагаа дуусах шатандаа оржээ. Саатуулагдсан  иргэдийн  ар гэрийнхэн нь тэдэнтэй уулзахаар Хятад улсыг зорьсон байна. Тэдний нэгийг ХЗДХЯ-ны төрийн нарийн бичгийн дарга Х.Баясгалангийн хүү гэх мэдээлэл гарч байсан. Гэвч энэхүү мэдээллийг албаны эх сурвалж үгүйсгэж, 1986 онд төрсөн  Ц овогтой А эрэгтэй, 1981 онд төрсөн Ж овогтой А  нар хар тамхины хэргээр саатуулагдсан гэх мэдээллийг өгсөн юм.  Хятадад хоригдож байгаа  хоёр иргэний ар гэрийнхэн хувь хүнтэй холбоотой мэдээллийг нууцлахыг холбогдох албаныхнаас хүссэн учир дэлгэрэнгүй мэдээлэл өгөхгүй байгаа аж.