Оюутолгойг
тойрсон үйл явдлууд ёолк
дөхсөн энэ өдрүүдэд ч үргэлжилж бай­­на. Сайн нь ч, саар нь ч
сонсогдоно. Төрийн бай­­гуул­­лагуудыг сүү­лийн үед ху­рууныхаа
үзүү­рээр хө­дөл­гөж, дуртай цаг­таа ажлыг нь хаялтыг амжилтад хүргэхэд
гар­шаад байгаа “Пролетари” Ган­баагийн да­раагийн нүүдэл ч ийшээ
чиг­лэжээ. Түүнээс гарах са­наа мөн шүү. Багш нар бол түүний хувьд нэр
хүндээ өр­гөх тактикийн тоглолт бай­сан. Харин Оюутолгой бол… Мэргэжлийн
хяналтын газрын дарга Р.Содхүүг үүндээ та­тан оролцуулж байгаа юм байх.
Тэд нийлж байгаад яах вэ гэхээр Оюутолгойг “ба, бэ”-гүй шалгах юм гэнэ.
Болохгүй ч юм алга. Хаа­на ч хөндлөнгийн хяналт хэдийд ч хэрэгтэй.
Тиймээс С.Ганбаатар өөрийнхөө ши­­­­дэт дохиураар төрийн бай­­­гууллагыг
тэр чигт нь ху­вийн хэвшлийн зүг хө­дөлгөх гэж  буй нь энэ аж. Монголд
өнөөдөр тө­рийн бус байгууллага гэсэн ста­тустай долоо, найман мян­­ган
байгууллага байдаг. Бүгд л ямар нэг зүй­лийн тө­лөө, түүнийхээ эрх
ашгийг хам­гаалахын тулд аж­лаа явуулдаг. Үйлдвэрчний эв­лэл бол тэд­ний
л нэг. Гэтэл тэднээс ялгарч, бүр Мэргэжлийн хянал­­­тын ерөнхий газрын
дарга Р.Содхүү тоогдож, хам­тарч шалгалт шүүлэг явуу­лах хэм­жээнд
хүртэл үйлд­­вэрчний эвлэлийнхний шан­­­таажны ур чадвар сүрхий
ахи­­жээ. Мэргэжлийн түвшинд ба­раг хүрсэн гэж гадуур шаг­шиж байгаа ч
үнэн байх шүү. Тэрнээс биш Мэргэжлийн хянал­тынхан хэзээ ингэж
биз­несийн салбар руу, ялан­гуяа хамгийн их анхаарал татаж буй
“толгойнуудыг” шалгаж байлаа даа. Гуйгаад байхад гэдийгээд хэвтчихдэг
байсан биз дээ. Улирал тутамд “X” тайлан гаргаж, өөрсдийгөө арай ядан
бол­гож байгаа мянга, мянган ком­паниуд руу очиж “дарамт” болдог байсныг
хүмүүс мэд­нэ. Энэ удаа аргагүй л дорвитойхон хөдлөхөөр шийджээ. “Бүх
зүйл өнгөрсөн хойно гэ­нэт ухаан орсон юм шиг Оюутолгой руу уул­галан
дайрах нь” гэх хүн байж магадгүй. Тэр хамаагүй ээ, ёолк дөхчихөөд байна,
бас ирэх сонгуульд нэрээ сойх сураг байгааг ч хэлэх үү тэдний санаа,
зорилго нэ­гэн зүгт ханджээ. Тэр нь ч илт бай­на. Тэгэхээр тэдэнд
“Ахиу­хан юм салгаарай даа” гэж хүсэн ерөөе. Чадаж байгаа юманд арга
байхгүй гэдэг байх аа.