Нийслэлийн онцгой байдлын газар 2011 оны ажлаа дүгнэн, нийгмийн аюулт үзэгдэл, осол гэмтлийн мэдээллийг нэгтгэж гаргасан байна. Нийслэлийн хэмжээнд энэ онд аюулт үзэгдэл, техникийн холбогдолтой ослын  нийт 2222 дуудлага ирсний 84.8 хувь нь объектын болон ой хээрийн түймрийн гал гарч, үлдсэн 15.2 хувь нь техникийн холбогдолтой ослын дуудлага байв. Дуудлагын дагуу Нийслэлийн онцгой байдлын газрын бие бүрэлдэхүүн үүрэг гүйцэтгэж, 770 хүний амийг аварч, 230 хүнд эмнэлгийн анхан шатны тусламж үзүүлсэн байна.