Шинэ жилийн баяр дөхсөн энэ үед замын хөдөлгөөний ачаалал их байна. Угаас түгжрэлтэй байдаг нийслэлийн авто зам хальтиргаа гулгаа их байгаа тул осол гарах нь ихэсчээ. Дөнгөж сая МҮОНРТ-ийн байрны өмнөх замд таван машин мөргөлдсөн осол гарсан байна. Баруун салаа-Баянхошуу чиглэлийн том оврын автобус урсгал сөрж орж ирсний улмаас эсрэг урсгалд зорчиж байсан суудлын тэргийг мөргөж, улмаар таван машиныг хамарсан осол гарчээ. Ослын улмаас хүний амь эрсдээгүй ч суудлын тэрэгний жолооч гэмтсэн байна. Одоогоор ослын газар харьяа дүүргийн Замын цагдаагийн газрын ажилтнууд ажиллаж байна.