Завхан аймагт сургуулийн нийгмийн ажилтнуудын хүүхэд хамгааллын талаар хийж буй судалгааны ажлыг шинэ шатанд гаргаж, хүүхэд хамгааллын ажлын үр дүнг сайжруулах зорилгоор тус аймгийн Засаг даргын дэргэдэх Хүүхдийн төлөө хэлтсээс “Сургуулийн орчин дахь хүүхэд хамгааллын асуудлууд” сэдвээр илтгэлийн уралдаан зохиолоо.

Илтгэлийн уралдаанд 10 гаруй сургуулийн нийгмийн ажилтнууд оролцсоноос тэргүүн байрыг Улиастай сумын бүрэн дунд дөрөвдүгээр сургуулийн нийгмийн ажилтан Д.Болор-Эрдэнэ, дэд байрыг Яруу сумын сургуулийн нийгмийн ажилтан Б.Энхбаатар, гутгаар байрыг “Бүрэн дунд” гуравдугаар сургуулийн нийгмийн ажилтан Д.Цэнд-Аюуш нар эзэлж, тусгай байрыг Тэс сумын сургуулийн нийгмийн ажилтан Ө.Цэцэгмаа хүртэн шилдэг илтгэлийн гэрчилгээ, өргөмжлөл, мөнгөн шагналаар шагнагдлаа.  Анх удаагийн илтгэлийн уралдаанд амжилттай оролцсон бүх нийгмийн ажилтанд батламж гардуулж, шалгарсан илтгэлүүдээр эмхэтгэл гарган бусад нийгмийн ажилтнуудад гарын авлага болгон тараахаар боллоо.