Үндэсний хөгжил шинэтгэлийн хорооноос НҮБ-ын Хөгжлийн хөтөлбөрийн Ядуурал, Мянганы хөгжлийн зорилтуудын хяналт шинжилгээ, үнэлгээг дэмжих төсөлтэй хамтран яамд, агентлагийн бодлого, хяналт шинжилгээ, үнэлгээ хариуцсан ажилтнуудад "Хөгжлийн бодлого ба стратеги төлөвлөлт" сэдэвт сургалтыг зохион байгуулжээ.

Уг сургалтаар хөгжлийн бодлого, стратегийн төлөвлөлтийн онол арга зүйн ойлголтыг цэгцлэх, улс орнуудын туршлагуудаас суралцах, мөн бодлогын хэрэгжилт, түүний хяналт шинжилгээ, үнэлгээний байдлын талаарх нэгдсэн ойлголтыг төлөвшүүлэхэд үндэсний чадавхийг дээшлүүлэх, мэдээлэл солилцох, хамтран ажиллах стратегийн үндсэн чиглэл, зарчмыг хэлэлцэн ойлголтыг нэгтгэсэн гэж үзэж байгаа аж.