Өнөөдөр билгийн тооллоор өвлийн эхэн сарын 25 буюу зулын 25 тохиож байна. Энэ өдрийг Богд Зонхова таалал төгссөн өдөр гэж үздэг. Тиймээс эрт дээр цагаас энэ өдөр сүм хийдүүд олон зул асааж, сүсэгтнүүд гэр орондоо зул барьж ёслодог байжээ. Мөн өвлийн идшээ зулын 25-наас өмнө базааж, идшинд төхөөрсөн малынхаа бөөрний өөхөөр зул өргөн амийг нь тасалсан малынхаа араас буян хийдэг заншилтай байсан гэдэг. Энэ заншлыг одоо ч хөдөөний айлууд дагаж буй.

Өнөө орой уламжлал ёсоор Бөхийн өргөөнд шашин урлагийн цэнгүүн зохиож лам, хуврагууд зулын 25-ны ном айлтгах юм байна.