“Backstreet Boys” хамтлагийн дуучин AJ McLean загвар өмсөгч бүсгүйтэй гэрлэжээ.

Өдгөө 33 настай дуучин эр өнгөрсөн бямба гаригт Беверли Хиллз зочид буудалд нижгэр хурим хийсэн гэнэ. Түүний хуриманд хамтлагийн ах дүүс Хови, Брайн, Кевин болон шаргал үст Ник нар очжээ. AJ McLean өнгөрсөн жил сүй тавьсан юм байна.  Баасан гаригт тэрбээр “Twitter”-ээр “Маргааш хурим болно. Бид бараг цурам хийсэнгүй. Сэтгэл их хөдөлж байна” гэж бичжээ.  Хос хоёр хүүхэдтэй болохоор яарахгүй байгаа гэнэ. AJ McLean гэрлээд гурван жил болсны дараа хүүхэдтэй болно гэж ярьж байгаа ажээ.  90-ээд онд охид хөвгүүдийг байлдан дагуулж байсан “Backstreet Boys” хамтлаг тайзнаа эргэн ирэх гэж буйгаа хоёр сарын өмнө мэдэгдсэн юм. AJ McLean хар тамхи, архинд донтож, 2001, 2002 онд албадан эмчилгээнд явж байжээ.