Дэлхийд алдартай уран барилгач  Оскар Нимейер төрснийхөө 104 насны ойг ажлаа хийсээр угтлаа гэж гэр бүлийнхэн нь мэдэгджээ. Уран барилгач Рио-де-Жанейро хотын Копакабана дахь урландаа идэвхтэй ажилласаар ойгоо угтжээ. Хамгийн сүүлд тэрээр самба бүжгийн багт наадам болдог “Самбадрома”-ын төвийн шинэчлэлийн зураг төслийг гардан хийсэн байна.  Ирэх жил ашиглалтад орох энэ төвд 2016 оны зуны олимпийн зарим төрлийн тэмцээн явагдах юм.

Нимейер  дэлхийн уран барилгын амьд сонгомол нь юм. Тэрээр НҮБ-ын штабын зураг төслийг бүтээгч, 1960-аад оноос урбанист Лусиу Костагийн хамт Бразилийн шинэ нийслэл Бразилиа хотын төслөө хэрэгжүүлжээ.